erayo

 " Dumarkiyo carruurtii,,

Dalandoolka weheshaday,,
Ma ka dagey rafaadkii ??
Nolol sugan ma daaqeen ??
Xukunkii dul iyo hoos,,
Dabatada ahaan jiray,,
Iyo dawladii dhibey,,
Maka doogsadeen wali ??

Axmaqii dal-dali jiray,,
Wax u doorsha ma hayaan ??
Duca qabe nadiifoyo,,
Nin deggani ma haystaa ??
Nin dulqaadan karayaa,,
Dadkan maw xidigiyaa ??

Dumarkiyo haweenkii,,
Laga diley raggoodiyo,,
Ma dar dugey agoonkii ??
Naafadii dagaalkiyo,,
Deblaydii siday tahay ??

Kuwii dooxa joogiyo,,
Dib jirkii wax maw taray ??
Beelihii la duudsiyey,,
Ma ka hadhay dirsoocii ??
Dakadihii xidhnaan jiray,,
Ma ku daalay geeluhu ??

Ardaydii dadaalkiyo,,
Loo miyey duruustee,,
Loo diidey barashadu,,
Dugsiyada bilaashka ah,,
Basar maw durduurtaan ??

Jidadkiyo dariiqii,,
Kaarayaashu dumiyeen,,
Dib ma loo habeeyoo,,
Dawyadii ma dhisanyiin ??
Dalka guud ahaantii,,
Ma la daawan karayaa ??

"Dalka kaan u dhalanee,,
Dibadaha ka soo galey,,
Shuruud lagu dabaaliyo,,
Dib u raac ma leeyihiin ??
Dooxyadii qulquli jiray,,
Dabar maw samayseen ??

Dhakhtarkiyo digtooradu,,
Dadka maw gargaaraan ??
Wasiiradda la doortaa,,
Dalka maw shaqeeyaan ??
Duqaydiyo wakiiladdu,,
Ma yihiin rag daacada ??

Askartiyo dableyduna,,
Gar Allee Ducaaloow,,
Ma helaan daryeel guud ??
Shicibkiyo dadweynuhu,,
Cadli deeqay ma hayaan ??

Xaqooddii daboolaa,,
Inta daaha laga rogay,,
Sida doobi caano ah,,
Sinaan maw dudubiyaan ??

Hal-abuurkii dooddee,,
Dibnihiisa loo miyey,,
Waxa daahan ee dadan,,
Ma ka doodi karayaa ??
Dabinada qarsoonee,,
Dadka loo dhigaayiyo,,
Dusduskiyo khiyaamada,,
Ninka doorkan soo dhiga,,
Ma ku diidi karaysaan ??"

Dar Allee farriimahan,,
Kuwan ula danleeyoow,,
Nala daya su'aashoo,,
Jawaab aan ku diirsado,,
Dag dag noogu soo tabi"!!!!